ihao論壇 - Powered by Discuz! Board

標題: 夜媽媽講水鬼 [打印本頁]

作者: lhoa 時間: 2010-11-8 00:08 標題: 夜媽媽講水鬼

大約4年前,當年我中4...
4月1號...泳池第1日開,當日放學我同6個男仔一齊去游水..
我地住大埔的,當然去返大埔個公眾泳池,
入場後我地好興奮,極速除衫沖出更衣室,
出埋個洗腳池,通常有個呀註場呀伯坐係到檢查有冇人帶d水蛋等等入池.
我地冇理佢...個個沖落樓梯...得我同2朋友個慢慢行,
呢個時候..個呀伯講左1句野

呀伯話"嘩..咁西利呀!?仲黎游水?"
我地3個人一齊向後望左佢一下,(姐係代表我地3個聽到佢呢句)
我自己當時既理解係"嘩..咁西利呀?一開就黎游"
但係我個朋友就理解係"嘩..咁西利呀?咁涼都黎游?唔怕凍咩?"
其實4月果陣雖然日頭係有太陽...但一到晚上都係好q凍
我地日頭係學校覺得好熱就約左晚上游...完全冇諗到夜晚會好凍
我諗當晚應該20~23度

咁我地3個聽完都有傾左2句,分析佢咁講咩意思
但唔重要...男更衣室出黎落樓梯行多幾步就到大池...當時大池1個人都冇,
我地7個人柒下柒下咁企係池邊唔敢落水,因為真係大風.好涼
咁當時係其中1個fd叫游水,我地6個就起哄叫佢落水先(代號A,主角黎)
但A唔肯...我地6個就一齊推佢落水...當時笑到有回音...好開心

當時好興玩1時叫"釣魚台"既GAME...唔知有冇巴打玩過
我地6個就話"你跟隊啦"..即刻跑過去戲水池...
一過到去...有幾班細路係到...大約10~15歲...即係主要既人都係哂戲水池呢邊
因為唔見有女仔...所以我地有D失望 ...
我地6個一落水...凍到個身震哂...講野可以有水氣噴出黎...
當時大埔泳池有2個石浮台...而家封左唔比人上去玩/跳水
我地係上面分2隊...3VS3

隻GAME既玩法唔多講...主要係攻人地個浮台同防守
玩左陣..A就過左黎...佢入左弱D果隊4打3..
A係我地當中最高既,大約175~178...佢負責守台..阻止人地攻上去
玩玩下A就望住大池方向話:大池有女啵!!!...
咁我地其他幾個係水到打緊交...諗緊點攻上去...冇理佢...
A就係咁問我地過唔過去睇下...我地話玩埋先...
戲水池同大池相距50M左右...而且中間有d柱檔住..
我上返台望過去都睇唔清楚...但A就好肯定話有人游緊..係女黎
A條淫虫唔知咩事..話唔玩住過去睇下先..

歡迎光臨 ihao論壇 (https://ihao.org/dz5/)