朗屏村家鬼

今次講一個...雖然唔係我親身體驗既經歷...但係我知道整件事情既經過...

有一日...我個朋友打電話比我...就話佢女朋友新屋入伙...可唔可以去佢女朋友屋企一齊幫手執下佢間屋...

佢女朋友新住址係朗屏...

個陣時大家都仲係中學生 (唔記得左中三定中四)...其實全部被叫上去幫手既朋友都對裝修係一知半解...只係成班朋友去幫下手...玩下咁架ja...

我記得個陣時係冬天黎...大約晚上六點鐘...個天都差唔多已經黑晒...

當我第一步踏入朋友個女朋友個門口個陣時...已經覺得成身都唔舒服...

個種感覺好難形容...感覺上個天花好底...四面局促...間屋就算開晒燈都好暗個種...

好啦...反正上到黎...大家「圍威喂」咁開工喇...成班男仔已經做定晒所有既準備工夫...

一開始就做剷平塊牆...因為要重新再上油...

大家就分工合作...一人剷一面牆...

我一路做...一路都覺得好唔舒服...頭重重咁...個頭又有少少暈...

因為小弟天生有耳水不平衝...所以我都無乜點理到...繼續做野...

我一路剷...就一路抹隻眼...因為成日覺得有d塵係到飄來飄去...

咁好喇...忙左幾個鐘...因為太大塵喇...我走左入去廁所洗面...沖一沖個身...

休息完之後...個種感覺仍然一樣...頭重重...好唔舒服...

算啦...反正今日既工作都做好晒喇...

咁我就係廁所走返出黎...但係...

我依然覺得仲係好似有d白色野係到飄來飄去！

我心諗...無理由架...停左工好耐架喇wo...點解眼角仲係有d野成日係到飄既...

個種唔舒服既感覺更加強烈！

大約十點鐘到啦...大班人一齊離開...因為個fd女朋友話請我地食飯唔該我地幫手...

一出門口...行到去lift口到...個種感覺就已經無左...我開始覺得佢間屋好似有d古怪...

因為我平時好少見到...feel到既機會大好多...成日都感覺到佢地既存在...見就真係見得兩次...

當我地行返出去元朗食飯既時候...我捉住左我個朋友同佢講...我係佢女朋友間屋入面覺得好唔舒服...

呢個朋友都知我平時feel到...不過佢就唔多信既...只不過係叮囑我...叫我唔好同佢女朋友講...

因為間屋淨係得佢女朋友一個自己係到住...驚嚇親佢...就係咁...件事就不了了知...(我以為)



故事好似有d長...請大家比多少少心機睇埋佢啦^^


裝修事件過左一個月多d...我都就快忘記左件事...

但...有一日突然收到我朋友電話...佢問我...

「你個晚講真feel到有野架？」

咁我真係無同佢吹水...我答佢我真係感覺到...我問佢發生咩事...

佢話比我聽...佢女朋友媽咪見到野...污糟野...問我識唔識點搞...

講真...我鬼識咩...我又唔係道士...咁我咪問佢...入伙個陣時有無拜四角...屋企有無信教個d...

點知...原來佢地乜都無做過...咁我都真係無能為力喇...呢d野...我都唔識...

咁我就好奇...問佢究竟發生咩事...

原來...佢同佢女朋友出左國玩左幾日...個幾日...佢媽咪就幫手看屋...係個女仔屋企到訓...

當佢地一返到黎香港既時候...佢媽咪即刻同佢講...話間屋唔「乾淨」！

女朋友媽咪話...有晚佢訓訓下覺既時候...突然覺得比鬼壓...成個身都郁唔到...

叫又叫唔到...淨係可以睜開雙眼...但...當佢一睜開眼時..

佢見到有個白色衫既阿伯坐左係床尾到！佢坐左好耐...好耐...

個陣時佢媽咪一路都郁唔到...都唔記得過左幾耐...佢先至郁到...而個位伯伯亦都已經唔見左喇...

而佢媽咪自個日之後都無幫佢地看屋喇...

件事就係咁喇...之後點佢地間屋點我都無過問lu...我建議過...叫佢地去d紙紮鋪到問下應該點做...

可能...係佢地入住之前...已經一早有「人」住左係到喇！