ufo200 2012-9-17 10:08
性在有排數：三大延壽親密方式
性愛除咗係人類嘅天賦本能之外，有美國性學專家更表示，性愛同時也可以延年益壽，只要做得適當，就可以從性愛鍛煉中，改善循環系統同埋肌肉活力，延緩衰老過程。做愛一小時就可以燃燒一杯紅酒或兩塊餅乾所含嘅熱量，以下三種性愛方式，就係延壽嘅不二之法。
第一位：每星期做一次
研究仲發現，中年婦女如果每周進行性愛一次，其體內保護骨骼嘅雌激素水平會比其他做愛量頻繁，或者更少嘅婦女高出兩倍。而男人每星期做愛一次有助於維持賀爾蒙水平同埋保持心腦健康。日本甚至有研究指出，男人每星期做愛一次，可使心臟病或中風危險減少50%，所以一星期做一次愛，就好似一星期放一日假一樣，係人體嘅天然定律。
第二位：每日擁抱兩次
擁抱伴侶不僅係性愛嘅前奏，更有助釋放更多嘅親密激素—催產素。英國一項研究表示，催產素可顯著提高人類嘅壽命，另有一項調查亦發現，每天擁抱兩次以上嘅夫妻比從不擁抱嘅夫妻，平均壽命多七年。所以千祈唔好睇小擁抱嘅威力，原來唔需要食咩長生不老藥，只需要簡單同至愛擁抱多啲，就可以延年益壽了。
第三位：同步到達高潮
能夠同伴侶一起達到性高潮，係好夫妻經常追求嘅最高境界，其實原來高潮同健康係有好大關係。一次猛烈嘅性高潮相當於注射咗一劑鎮定劑，有助緩解壓力，放鬆身心，同時可使體內抗炎細胞增加20%。所以經常獲得性高潮會使男人長壽機率增加兩倍，使女性壽命增加八年。如果女性喺每次性愛中獲得兩次性高潮的話，心臟病機率可降低30%，自然壽命更長喇！