hahawa 2011-12-29 00:17
從你沖涼習慣,分析你真實個性
你多數會係咩時間沖涼?
A:晚飯之後
B:訓覺之前
C:朝早起身之後
D:晚飯之前
E:同屋企人輪住沖
A:深思細密型
習慣晚飯之後沖涼既人,做野比較慢條斯理,鍾意邊沖涼邊整理思緒,盡情享受沖涼呢個咁舒服既時間,你既喜怒哀樂唔會表露你塊面到,你唔係一個情緒化既人,而且你做野好有條理,好清楚自己做緊乜,而且諗野仲好有邏輯,不過真係要提下你沖涼既時間最好唔好咁耐.
B:獨來獨往型
你鍾意將自己全身沖乾淨後,一身香噴噴,舒舒服服咁訓覺,為果一日畫上完美句號,你追求浪漫既愛情,但你既行事作風好獨來獨往,所以人地覺得你好似唔係好合群,唔你好適合團體生活,而你都唔多理人點睇,因為你好享受一個人活動,不過你成日做獨行俠既話,好難識到另一半嫁!
C:精明勢利型
你習慣以沖涼為一日既開始,鍾意沖左涼先出門口,你屬於比較精明既類型,對數字好有概念,好叻理財方面既野,基本上,你係生活入面扮演住軍師既角色,做任何事一定會做評估先,計劃好所有野先會行動,但如果你太著重錢財利益,就會好容易將道義放埋一邊,有利字行先既勢利心態!
D:按部就班型
個性心急既你,覺得慢慢沖涼實在你狩蹝時間,而且你都鍾意沖完涼先安排你既節目,你既做事特格係鍾意一步一步黎,按步就班咁做你事先要做既野,你好僧做事拖拖拉拉,你唔希望安排好既計劃會因為任何理由而延遲!
E:善於交際型
你好善於協調同溝通,你慣左接受其他人既安排,你成日都會接受其他人既意見/睇法,你仲會將自己代入人地果邊諗,識得將心比心,所以你好識得諒解同尊重人地既睇法同意見,加上係個性溫馴,唔會無啦啦同人發生衝突,所以你係人地心中係好合群!